Հայաստանը հավակնում է դառնալ կերպարվեստի Երուսաղեմ (տեսանյութ)
LIVEnews.am-ի «Երկրորդ կարծիք» հաղորդման հյուրն է «Կերպարվեստ» ամսագրի հիմնադիր, խմբագիր Վրեժ Առաքելյանը։
Հայաստանի նկարիչների միության «Կերպարվեստ» պարբերականը լույս է տեսել 2003 թվականից և 2014-ին ֆինանսավորում չլինելու պատճառով դադարել է տպագրվել, սակայն նախորդ տարի այն նորից սկսեց հրատարակվել արդեն որպես անկախ ամսագիր։ Վրեժ Առաքելյանը ներկայացրեց, որ իրենց առաքելությունն է Հայաստանը կերպարվեստի յուրօրինակ Երուսաղեմ դարձնելը, ուխտատեղիի վերածելը, ամսագրի առաջին իսկ էջում Վրեժ Առաքելյանն ուղերձ է հղել արվեստասեր հանրությանն ու նկարիչներին, երկրի իշխանություններին և կառավարությանը՝ աջակցել ամսագրի առաքելությանը՝ Հայաստանը դարձնել «կերպարվեստի Երուսաղեմ»։
Մեկ այլ նպատակ է՝ 3-րդ հանրապետությունում վերականգնել արվեստի մեկենասության ավանդույթը, որը մեզանում լայնորեն տարածված է եղել, մենք ունեցել ենք նշանավոր մեկենասներ Ալեքսանդր Մանթաշյան, Միքայել Արամյանց, Գալուստ Գյուլբենկյան և Տիգրան Խան-Քելեկյան։
«Մենք ստեղծել ենք «Հայ կերպարվեստի մեկենաս» պատվո ատյանը, սպասելով մեր օրերի կերպարվեստի մեկենասների արթնացմանը»,- մեզ հետ զրույցում ասաց հաղորդման հյուրը։
Մանրամասները՝ տեսանյութում