Վաշինգտոնում՝ Սպիտակ տան տարածքում ցուցարարները շենքեր են հրդեհել. քաղաքում հայտարարվել է պարետային ժամ
Մի քանի շենքեր հրդեհվել են Վաշինգտոնի կենտրոնում ՝ ԱՄՆ նախագահի նստավայրի հարևանությամբ, որտեղ տեղի է ունենում բողոքի ցույցեր: Այս մասին հայտնում է «ՌԻԱ Նովոստին»:
Նախ`ցուցարարները մեծ խարույկ են վառել ուղիղ ճանապարհի երթևեկելի մասում, այրելով ճանապարհային նշաններ, թփեր, ծառեր, շշեր և ձեռքի տակ եղած ամեն ինչ: Մի պահ նրանք պոկել են ԱՄՆ դրոշը հարևան գրասենյակի շենքի տանիքից՝ 19-րդ դարի առանձնատնից, և կրակի մեջ գցել:
Մի քանի րոպե անց շենքում հրդեհ է բռնկվել: Միևնույն ժամանակ, Լաֆայետի պուրակի տարածքում գտնվող փոքրիկ միհարկանի տնտեսական կառույցում կրակ է բռնկվել:
Դրանից հետո ոստիկանությունը կրկին արցունքաբեր գազի նռնակներ են կիրառել՝ ցուցարարներին հեռացնելու համար: Այնուամենայնիվ, իրավապահները դեռ չեն անցել ավելի ակտիվ գործողությունների: Վաշինգտոնում հայտարարվել է պարետային ժամ:
Բողոքի ցույցերի և անկարգությունների ալիքը ԱՄՆ-ի քաղաքներում սկսվեց ՝ ոստիկանների ձեռքով աֆրոամերիկացի Ջորջ Ֆլոյդի մահից հետո: Ոստիկաններից մեկին մեղադրանք է առաջադրվել անփութությամբ Ֆլոյդին մահվան հասցնելու մեջ: Մինեապոլիսում լայնամասշտաբ ցույցերը շարունակվում են կիրակի օրվանից:
