ՌԴ-ում կորոնավիրուսից ապաքինվածների թիվը գերազանցել է վարակվածներին, մահվան դեպքերը գրեթե կրկնակի ավելացել են
Ռուսաստանում կորոնավիրուսով մեկ օրում վարակվել է 8 հազար 915 մարդ, վարակվածների ընդհանուր թիվը հասնելով 362 հազար 342-ի:
Այս մասին տեղեկացնում է ՏԱՍՍ գործակալությունը՝ ներկայացնելով Կորոնավիրուսի տարածման դեմ պայքարի օպերատիվ շտաբի տվյալները: Օրվա կտրվածքով աճը կազմել է 2.5 տոկոս՝ նախորդ օրվա 2.6 տոկոսի դիմաց:
Վերջին մեկ օրում ապաքինվել է 12 հազար 331 մարդ, որն ավելին է, քան վարակվածների թիվը: Ընդհանուր առմամբ, Ռուսաստանում ապաքինվել է 131 հազար 129 մարդ: Մահերի թիվն ավելացել է 174-ով: Մեկ օր առաջ մահերի թիվը 92 էր: