ԱԺ նախագահը դիմակ չկրելու համար Գևորգ Պետրոսյանին հայտարարեց նախազգուշացում
ՀՀ ազգային ժողովի նախագահ Արարատ Միրզոյանը ԱԺ մայիսի 26-ի նիստում «Բարգավաճ Հայաստան» խմբակցության պատգամավոր Գևորգ Պետրոսյանի նկատմամբ հայտարարեց նախազգուշացում՝ նիստերի դահլիճում դիմակ չկրելու համար:
«ԱԺ կանոնակարգ Սահամադրական օրենքի 52-րդ հոդվածի 2-րդ մասի համաձայն՝ «Բարգավաճ Հայաստան» խմբակցության պատգամավոր Գևորգ Պետրոսյանի նկատմամբ հայտարարում եմ նախազգուշացում»,-ասաց Միրզոյանը:
Պատգամավորը նիստերի դահլիճում դիմակ չէր կրում:
Արարատ Միրզոյանը նիստի սկզբում պատգամավորներին հորդորել, խնդրել էր նիստերի դահլիճում կրել դիմակ, հակառակ դեպքում ստիպված կլինի կիրառել նախազգուշական միջոցներ՝ ընդհուպ դահլիճից դուրս կհրավիրի:
Հայաստանում կորոնավիրուսի իրավիճակով պայմանավորված՝ հանրային բաց վայրերում դիմակների առկայությունը, իսկ փակ վայրերում կրելը պարտադիր է:
