Կորոնավիրուսից մահացած երեք հիվանդներն էլ ունեցել են քրոնիկական հիվանդություններ. ԱՆ
Մայիսի 21-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 5606 դեպք, որոնցից 2581-ն` առողջացած, 70-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2928 բուժայցելու: Ընդհանուր առմամբ, կատարվել է 45822 թեստավորում:
ՀՀ առողջապահության նախարարության տեղեկացմամբ, ունենք կորոնավիրուսային հիվանդությամբ հաստատված 335 նոր դեպք և 162 առողջացած։
Մահվան դեպքերի վերաբերյալ ԱՆ-ը հայտնում է, որ հիվանդները եղել են 64 (տղամարդ), 65 (տղամարդ), 90 (տղամարդ) տարեկան և ունեցել են ուղեկցող քրոնիկական հիվանդություններ:
