ԱՀԿ-ը հայտնել է աշխարհում կորոնավիրուսով վարակվածության նոր դեպքերի ռեկորդային թվի մասին
Առողջապահության համաշխարհային կազմակերպությունը հայտնել է, որ վարակի բռնկումից ի վեր վերջին մեկ օրում աշխարհում կորոնավիրուսով վարակվածության նոր դեպքերի ամենաբարձր ցուցանիշն է գրանցվել:
Այս մասին հայտնում է «Ինտերֆաքս» գործակալությունը:
«Վերջին 24 ժամվա ընթացքում ԱՀԿ-ն ստացել է 106 հազար հիվանդացության դեպքի մասին տվյալներ, ինչը օրվա կտրվածքով ամենաբարձր ցուցանիշն է վարակի բռնկումից ի վեր: Այդ դեպքերի երկու երրորդը գրանցվել է 4 պետությունում»,-նշել է ԱՀԿ գլխավոր տնօրեն Թեդրոս Հեբրեյեսուսը:
ԱՀԿ-ի ղեկավարը նշել է, որ համաշխարհային հասարակությանը դեռ երկար ճանապարհ է սպասում COVID-19-ի հետ:
