Ռուսաստանում մեկ օրում գրանցվել է կորոնավիրուսային հիվանդության 10 598 նոր դեպք
Ռուսաստանի 85 շրջաններում մեկ օրվա ընթացքում հայտնաբերվել է COVID-19- ի 10 598 դեպք, մահացել է 113 մարդ, առողջացել է 4 694-ը: Այս մասին հայտնում են կորոնավիրուսի տարածման դեմ պայքարի օպերատիվ շտաբից:
Մոսկվայում գրանցվել է 4 748 հիվանդ, մերձմոսկովյան շրջանում`945, Սանկտ Պետերբուրգում` 541: Միևնույն ժամանակ, մայրաքաղաքում, արդեն երրորդ օրն անընդմեջ գրանցվում է հինգ հազարից պակաս նոր դեպքեր:
Նոր վարակներ կան նաև Նիժնի Նովգորոդի, Սարատովի, Տուլայի, Սվերդլովսկի, Իվանովոյի և Չելյաբինսկի շրջաններում և Յամալո-Նենեց ինքնավար շրջանում: Հիվանդների գրեթե կեսը չունի ախտանիշ:
Ընդհանուր առմամբ, համաճարակի սկզբից ի վեր երկրում գրանցվել է 262 843 դեպք, ապաքինվել է ավելի քան 58 հազար մարդ, մահացել է 2418 մարդ:
