Իմունիտետը ամրապնդելու միակ միջոցը. բժիշկ Կոմարովսկու դեղատոմսը
Անհնար է ամրապնդել իմունային համակարգը՝ բազմոցի վրա նստելով և որոշ հաբեր կուլ տալով: Միակ միջոցը որոշակի պայմաններ կատարելն է, որոնք բժիշկ Եվգենի Կոմարովսկին թվարկել է ինստագրամյան իր էջում:
«Իմունիտետի ամրապնդումը նշանակում է ֆիզիկական ակտիվություն, սննդի մեջ վնասակար մթերքների, շաքարի մեծ քանակության բացակայություն, ավելորդ քաշի պակաս, սթրեսի, ստերիլության բացակայություն, քանի որ մեր իմունային պաշտպանությունը մշտապես պետք է առնչվի մանրէների հետ, կանոնավոր դրական հույզեր, կանոնավոր սեքս: Այս ամենը բնական է մարդու համար, գումարած մաքուր օդը: Ահա հենց սրանք են ուժեղացնում իմունիտետը», – բացատրեել է բժիշկը:
Նա խոստովանել է, որ մարդիկ միշտ չէ, որ ուզում են սպորտով զբաղվել, հետևել սննդակարգին և շրջապատին չարությամբ չվերաբերվել:
Կոմարովսկին նաև հավելել է, որ ոմանք կարծում են, թե կարող են պահպանել առողջությունը և ամրապնդել իմունիտետը`ոչինչ չձեռնարկելով, այլ պարզապես «կախարդական հաբեր» ընդունելով, բայց իրականում դա այդպես չէ: Այնուամենայնիվ, նա կարծում է, որ չարագործները կարող են այդ գաղափարի վրա գումար աշխատել:
Ավելի վաղ բժիշկը նախազգուշացրել էր, որ հակաբիոտիկները չպետք է օգտագործվեն կորոնավիրուսային վարակը կանխելու համար: