Որ նույնիսկ կանխատեսումներ անելուն ունակ չեք, այդ դեպքում ինչպե՞ս եք պետությունը կառավարելու համարձակություն ստանձնել
Այո, մենք այն ժամանակ ասել ենք, որ արտակարգ դրության ժամանակ հոսանքի և գազի անջատումներ չեն լինելու։ Բայց մենք ի՞նչ իմանայինք, որ այս վիճակը երկար է տևելու։ Այն ժամանակ մենք հույս ունեինք, որ մեկ ամսում ամեն ինչ կավարտվի։
Այսօր այս միտքն ուղիղ եթերում ասել է Փաշինյանը։
Հենց դրա համար եմ ասում, որ իշխող քաղաքական միավորը տարերային պետական կառավարում է իրականացնում։ Հենց դրա համար եմ ասում, որ ապաշնորհ կադրային քաղաքականություն եք վարում։
Որ նույնիսկ կանխատումներ անելուն ունակ չեք, այդ դեպքում ինչպե՞ս եք պետությունը կառավարելու համարձակություն ստանձնել։
Ասում է՝ ո՞վ կարող էր ասել, թե ինչքան կտևի արտակարգ դրությունը։ Շատ-շատերը կարող էին ասել ու ասել են։ Լավ, բա միջազգային փորձն ինչի՞ համար էր, որ պարբերաբար անպատեհ առիթներով հենց դրան եք հղումներ անում։ Բա չէիք տեսնո՞ւմ, թե ինչ է կատարվում Չինաստանում, Իրանում, Իտալիայում։
Ունենալով էականորեն բարենպաստ պայմաններ, քանի որ կորոնավիրուսը բավականին ուշ հասավ Հայաստան, և ուսումնասիրության համար մեծ փորձ էր առկա՝ չկարողացա՞ք կանխատեսումներ անել։
Սա էլ հո պետական կառավարման համակա՞րգը չէ, որն իբր ձեզ դեմ է։ Չլինի՞ այս իրավիճակն էլ են նախկինները արել։
Իսկ երբևէ մտածե՞լ եք, թե ինչն եք դուք սխալ անում։ Հենց մտածեք ու հասկանանք, բավականին բան կփոխվի։ Բայց, ցավոք, երկու տարին ցույց տվեց, որ չեք մտածելու և չեք տեսնելու, հետևաբար՝ որևէ լավ բան այլևս սպասելը ձեր կառավարությունից ընդամենը միամտություն կլինի։
Ուժ գտեք մեջներդ, խելքներդ գլուխներդ հավաքեք և, քանի դեռ շատ ուժ չէ, փոխեք ձեր կառավարության կազմի առնվազն 97 տոկոսին՝ առաջնահերթ ձեր վարչապետին։
Ֆեյքերով պետություն չեք պահելու։ Ֆեյքերով նույնիսկ ձեր իշխանությունը չեք կարողանալու պահել։
Իրական հեղափոխությունն անհրաժեշտություն է, իսկ դա անելու հնարավորություն դեռեւս ունեք նաեւ դուք, քաղաքական մեծամասնությունդ…
Արսեն Բաբայանի ֆեյսբուքյան էջից
Այո, մենք այն ժամանակ ասել ենք, որ արտակարգ դրության ժամանակ հոսանքի եւ գազի անջատումներ չեն լինելու։ Բայց մենք ի՞նչ…
Опубликовано Arsen Babayan / Արսեն Բաբայան Вторник, 28 апреля 2020 г.
