Աննա Դանիբեկյանը, որ մարտի 13-ից գտնվում էր արձակուրդում, այսօր դուրս է եկել աշխատանքի և կրկին արձակուրդ է ձևակերպել․ Ռ․ Քոչարյանի փաստաբանական թիմ
Սահմանադրական կարգի ենթադրյալ տապալման գործով դատական նիստը տեղի կունենա մայիսի 8-ին։ Այս մասին տեղեկացնում է ՀՀ երկրորդ նախագահ Ռոբերտ Քոչարյանի փաստաբանական թիմը։
«Սահմանադրական կարգի ենթադրյալ տապալման գործով հերթական դատական նիստը տեղի կունենա մայիսի 8-ին։ Քրեական գործը քննող դատավոր Աննա Դանիբեկյանը, ով մարտի 13-ից գտնվում էր արձակուրդում, այսօր դուրս է եկել աշխատանքի և կրկին արձակուրդ է ձևակերպել»,- ասված է Փաստաբանական խմբի տարածած հայտարարության մեջ։
