Իրոք չեմ հասկանում՝ մարդկանց այդքան մոլորեցնելու իմաստը ո՞րն է
Հայկական դրամը արժևորվում է միմիայն շուկայում տիրող պասիվության ֆոնի վրա։ Այլ բառերով ասած՝ դոլար վաճառող շատ ավելի շատ կա, քան գնող։ Մարդիկ ստիպված անցել են իրենց խնայողությունների ծախսմանը, և գաղտնիք չէ, որ այդ խնայողությունները գրեթե բոլորը պահում էին դոլարով։ Մյուս կողմից զգալի նվազել է ներկրումը, ինչը բերել է դոլարի պահանջարկի նվազմանը։
Վարկերի աճով կարելի է ուրախանալ այն ժամանակ, երբ այդ վարկերը բիզնես վարկեր են, այլ ոչ սպառողական։ Սրա մասին տեղեկության բացակայությունը վկայում է նրա մասին, որ վերցված վարկերի գերակշիռ մասը հենց սպառողական են։ Այսինքն` մարդիկ պարտքով գումար են վերցնում՝ սոված չմնալու համար։
Որևէ մեկը չի սպասում ձեզանից հրաշքներ, ձեզանից սպասում են ադեկվատ քայլերի իրագործում և տնտեսական աղետի ճիշտ և նպատակային կառավարում։ Այո, աղետը ևս կարելի է կառավարել։ Գործ արեք, ինքներդ ձեզ գովալու տեղը։
Հ.Գ. Հուսամ՝ հենց այս պահին լուրջ քննարկում եք անշարժ գույքի շուկայում սպասվող աննախադեպ անկումը։
Հ.Գ.Գ. Ինչպես Կարեն Վրթանեսյանը շատ ճիշտ նշեց, դոլարի փոխարժեքի նվազման մեջ շատ մեծ դեր է ունեցել նաև OPEC-ի ժողովը։ Կան, իհարկե, նաև այլ գործոններ։
Արա Վարդանյանի ֆեյսբուքյան էջից
Իրոք չեմ հասկանում մարդկանց այդքան մոլորեցնելու իմաստը ո՞րն է։ Հայկական դրամը արժևորվում է միմիայն շուկայում տիրող…
Опубликовано Арой Варданяном Пятница, 10 апреля 2020 г.
