Ադրբեջանը պարտավորվել է կրճատել նավթի արդյունահանումը
Ադրբեջանը, համաձայն Նավթ արտահանող երկրների կազմակերպության (ՕՊԵԿ+) նոր գործարքի, պարտավորվել է կրճատել նավթի արդյունահանումը մայիս-հունիս ամիսներին՝ օրական 164 000 բարելով, հասցնելով դրա մակարդակը 554 000 բարելի: Այս մասին գրում է minval.az կայքը` հղում տալով Ադրբեջանի էներգետիկայի նախարարությանը:
«Ադրբեջանը նաև նոր պարտավորություններ է ստանձնել, որպեսզի հավասարակշռի նավթի համաշխարհային շուկան և կայունացնի նավթի գները: Նա օրական արդյունահանում է 718 000 բարել նավթ, ըստ նոր համաձայնագրի պետք է կրճատի արդյունահանումը 164 000 բարելով: Այդ ժամանակահատվածում Ադրբեջանը պետք է պահպանի նավթի արդյունահանումը 554 000 բարելի սահմաններում»,-տեղեկացրել է Ադրբեջանի էներգետիկայի նախարարությունը:
Ավելի վաղ նավթի գների անկմանը նպաստել էր Նավթ արտահանող երկրների կազմակերպության (ՕՊԵԿ +) անդամ երկրների բանակցությունների ձախողումը, ինչի պատճառով ապրիլի 1-ից նախկին դաշինքի մասնակից երկրներում նավթի արդյունահանման սահմանափակումները վերացել էին:
