Որո՞նք են կորոնավիրուսային վարակի ամենավտանգավոր հետևանքները. «ՌԻԱ Նովոստի»
COVID-19 կորոնավիրուսը այլ վիրուսների նման մեծապես թուլացնում է մարդու մարմնի պաշտպանողականությունը, ինչը կարող է առաջացնել այլ պաթոլոգիաներ: «ՌԻԱ Նովոստիի» տեղեկացմամբ, այս մասին ասել է Ռուսաստանի Գիտությունների ակադեմիայի ակադեմիկոս, վիրուսաբան Ֆելիքս Երշովը:
Գիտնականը նշել է, որ վիրուսը ճնշում է մարդու իմունային համակարգը, ուստի հիվանդության ժամանակ կարող է առաջանալ լրացուցիչ պաթոլոգիա: Ըստ նրա՝ սովորական գրիպի դեպքում էլ հիվանդի մարմինը թուլանում է, և այս պայմաններում տեղի են ունենում երկրորդային իմունային անբավարարություններ:
Երշովը նշել է, որ, որպես կանոն, տարեցները նման իրավիճակում ռիսկային խմբում են: Մինչդեռ երիտասարդներն ու երեխաները, իրենց իմունիտետի արդյունավետության պատճառով, շատ ավելի քիչ են ենթարկվում բարդությունների:
Որպես բարդություններ, տարեցները կարող են ստանալ գլխուղեղի և սրտի կաթվածներ, պարզաբանել է գիտնականը: «Բացի դրանից, ի հայտ են գալիս նաև ուղեկցող հիվանդություններ, ինչպես գրիպի ժամանակ՝ բրոնխիտ, մենինգիտ և այլն»,- նշել է պրոֆեսորը:
Վարակաբանը հավելել է, որ մահվան հիմնական պատճառը ոչ թե ինքը՝ COVID-19- ն է, այլ հենց երկրորդային բարդությունները:
Համաձայն ԱՀԿ-ի վերջին տվյալների՝ աշխարհում գրանցվել է ավելի քան 1,614 միլիոն վարաման դեպք, մահացել է ավելի քան 98 789 հազար մարդ: Ռուսաստանում հայտնաբերվել է կորոնավիրուսային վարակի 13 703 դեպք, արդեն առողջացել է 795 մարդ, մահացել է 112 հիվանդ: Մոսկվայում գրանցվել է COVID-19-ով վարակվելու 6698 դեպք, որից առողջացել է 313 մարդ, 38-ը մահացել է: Ռուսներին հորդորել են պահպանել ինքնամեկուսացման ռեժիմը, անտեղի դուրս չգալ տանից և պահել մեկ ու կես մետր հեռավորություն
