ՌԴ-ի նոր սահմանափակումները․ դեպի Երևան թռիչքներ կիրականացվեն միայն Մոսկվայից
Ռուսաստանը, նոր տիպի կորոնավիրուսային վարակի տարածմամբ պայմանավորված, մարտի 23-ից ժամանակավոր սահմանափակումներ է մտցնում ավիաուղևորափոխադրումների գործընթացում ՌԴ-ի տարածքից դեպի այլ երկրներ: Այս մասին հայտնել է ՌԴ-ում Հայաստանի դեսպանատունը: Բացառություններ են թռիչքները Մոսկվայից այլ երկրների մայրաքաղաքներ ու խոշոր քաղաքներ:
«Ռոսավիացիայի կայքի հրապարակած տեղեկատվության համաձայն թռիչքները կոնկրետ քաղաքներ, այդ թվում Երևան, կիրականացվեն բացառապես Մոսկվայից»,-ասված է դեսպանատան հաղորդագրության մեջ:
