Աշխարհի լավագույն թանգարանները, որոնք կարող եք այցելել առցանց
Մշակույթի աշխարհը դառնում է ավելի ու ավելի թվային: Առաջատար թանգարանները թվայնացնում են իրենց հավաքածուներն ու գլուխգործոցների անվճար մուտքի հնարավորություն են տալիս: Բացի 360 աստիճանի շրջագայության հնարավորությունից, հեռարձակվում են նրանց հիմնական ցուցահանդեսները, ինչպես նաև թեմատիկ գիտաժողովները և հատուկ ծրագրերը: Դրանց հիմնական մասը հասանելի է Google Art & Culture- ում: Եվ հիմա, երբ կորոնավիրուսի համավարակը աշխարհի չորս ծագերում բնակչությանը զրկել է ազատ տեղաշարժվելու, շփվելու, զվարճանքի և մաշկութային վայրեր հաճախելու հնարավորությունից, առցանց թանգարանները, համերգասրահներն ու թատրոնները լավագույն միջոցն են մարդկանց մեկուսի առօրյան հագեցած դարձնելու: Ձեզ ենք ներկայացնում աշխարհի լավագույն առցանց թանգարանները:
ԱՄՆ
Մետրոպոլիտենի արվեստի թանգարան. Նյու Յորք
https://artsandculture.google.com/partner/the-metropolitan-museum-of-art
Աշխարհի խոշորագույն թանգարաններից մեկն առաջարկում է առցանց դիտել ավելի քան 200 000 ցուցանմուշներ, այդ թվում ՝ Վան Գոգի, Ջեքսոն Պոլլոքի և Պաբլո Պիկասոյի նկարները:
Արվեստի ազգային պատկերասրահ. Վաշինգտոն
https://www.nga.gov/collection.html
Այստեղ ներկայացված են ամերիկյան և եվրոպական վարպետների աշխարհում լավագույն հավաքածուները:
Ֆրիկի հավաքածու. Նյու Յորք
Հին արևմտաեվրոպական կտավների մասնավոր հավաքածու, որտեղ ներառված են Բրյուգել Մեծի, Տիցիանի, Էլ Գրեկոյի, Ռեմբրանդի, Վելասկեսի գործերը:
Կանանց արվեստի ազգային թանգարան. Վաշինգտոն
Աշխարհի միակ արվեստի թանգարանը, որը ցուցադրում է միայն կանանց կողմից ստեղծված արվեստի գործեր:
Սպիտակ տուն. Վաշինգտոն
Առցանց շրջագայությունն առաջարկում է ծանոթանալ Միացյալ Նահանգների Նախագահի պաշտոնական նստավայրի ինտերիերին:
ԱՄՆ ՌՕՈՒ Ազգային թանգարան-Դեյթոն
http://www.nmusafvirtualtour.com/
Աշխարհի ամենահին և ամենամեծ օդատիեզերական թանգարաններից մեկը:
Ֆրանսիա
Լուվրի թանգարան. Փարիզ
https://www.louvre.fr/en/visites-en-ligne#tabs
Առցանց զբոսանք թանգարանի որոշ պատկերասրահներում
Սենտ Շապելի մատուռ. Փարիզ
Սենտ Շապելի մատուռը կառուցվել է Լյուդովիկոս IX-ի կողմից 1242-1248 թվականներին։ Մատուռը պահպանվել է 13-րդ դարից, և համարվում է գոթական ոչ մեծ չափերի ամենագեղեցիկ եկեղեցիներից մեկը։
Մեծ Բրիտանիա
Բրիտանական թանգարան. Լոնդոն
https://research.britishmuseum.org/research/collection_online/search.aspx
Մոտ 8 միլիոն թանգարանային նմուշներ, որոնցից ամենահետաքրքիրները կարելի է դիտել առցանց:
Թեյդ բրիտանական պատկերասրահ. Լոնդոն
https://artsandculture.google.com/partner/tate-britain
1500 թ. մինչ օրս բրիտանական արվեստի ամենամեծ հավաքածու ունեցող արվեստի թանգարան, ներառյալ Միլլի «Օֆելյա» գլուխգործոցը:
Սթոունհենջ-Ուիլթշիր կոմսություն
Առեղծվածային հնագիտական հուշարձան, որին կարող եք «դիպչել» համացանցով:
Իտալիա
Ուֆիզիի պատկերասրահ. Ֆլորենցիա
https://artsandculture.google.com/partner/uffizi-gallery?hl=it
Բոտիչելիի «Վեներայի ծնունդը» նկարը և ոչ միայն, վիրտուալ քայլելով կարող եք անցնել Եվրոպայի հնագույն թանգարաններից մեկով:
Սիքստինյան կապելլա. Վատիկան
http://www.vatican.va/various/cappelle/sistina_vr/index.html
Վերածննդի դարաշրջանի հուշարձանը՝ Միքելանջելոյի, Բոտիչելիի, Պերուջինոյի որմնանկարներով: Առցանց տարածության մեջ դրանք կարելի է մանրամասն դիտել՝ առանց ուրիշ զբոսաշրջիկների հրմշտելու:
Կապիտոլինի թանգարան. Հռոմ
http://tourvirtuale.museicapitolini.org/#en
Աշխարհի ամենահին հանրային թանգարանը`քանդակների հոյակապ հավաքածուով, ներառյալ Հռոմի խորհրդանիշը՝ «Կապիտոլինի գայլը»:
Շարունակելի