Բանակցային գործընթացը ֆեյքային-լայքային-լայվային սոուսով չես կարող համեմել: Սա ռեալ-պոլիտիկ է
Արցախյան հիմնախնդրի կարգավորման անկյունաքարը ոչ թե անվտանգությունը պետք է լինի, այլ Արցախի ժողովրդի ինքնորոշման իրավունքի ամբողջական ու պարտադիր իրացումը:
Տեսականորեն անվտանգությունը կարող է ապահովվել թեկուզ միջազգային խաղաղապահների կողմից որևէ ձևաչափով, բայց ինքնորոշման իրավունքի ամբողջական իրացում այդպես էլ չլինի:
Հետևաբար, Փաշինյանի կողմից անվտանգությունը որպես լուծման անկյունաքար ներկայացնելը սխալ է:
Ի դեպ, 1993թ.-ին Չեխոսլովակիայի «թավշյա բաժանման» ժամանակ անվտանգության սպառնալիք չկար ոչ չեխ, ոչ սլովակ ժողովուրդների համար, բայց օգտվելով ինքնորոշման իրավունքից, առաջացան երկու անկախ սուբյեկտներ` Չեխիա և Սլովակիա:
Այսինքն՝ ինքնորոշման իրավունքի իրացման համար անվտանգության սպառնալիքը միակ պարտադիր պայման չի կարող լինել:
Անկախ նրանից՝ Ադրբեջանը ժողովրդավար է, թե ոչ, երբևէ այդպիսին կդառնա, թե ոչ, անթույլատրելի է Արցախի և Ադրբեջանի նույն քաղաքական տարածքում չլինելը պայմանավորել միայն Ադրբեջանի հակաժողովրդավար էությամբ:
Արցախը ոչ մի դեպքում չպետք է լինի Ադրբեջանի մաս, և Արցախի անկախության միջազգային ճանաչումն այլընտրանք չունի: Սրանք են այն սկզբունքները, որոնք Փաշինյանը պետք է ձևակերպեր, բայց այդպես էլ չարեց:
Հ.Գ. Բանակցային գործընթացը ֆեյքային-լայքային-լայվային սոուսով չես կարող համեմել: Սա ռեալ-պոլիտիկ է:
Էդուարդ Շարմազանովի ֆեյսբուքյան էջից
Արցախյան հիմնախնդրի կարգավորման անկյունաքարը ոչ թե անվտանգությունը պետք է լինի, այլ Արցախի ժողովրդի ինքնորոշման…
Опубликовано Էդուարդ Շարմազանով Eduard Sharmazanov Суббота, 22 февраля 2020 г.