Միշուստինը հրահանգել է Հեռավոր Արևելքում սահմանը փակել
ՌԴ վարչապետ Միխայիլ Միշուստինը հրաման է ստորագրել Հեռավոր Արևելքում սահմանը փակելու մասին՝ կորոնավիրուսի տարածումը կանխելու համար: Այս մասին տեղեկացրել է «ՌԻԱ Նովոստին»։
Խոսքը հունվարի 31-ից Չինաստանի հետ սահմանի 16 անցակետերի միջոցով երթևեկությունը սահմանափակելու մասին է։
Նոր հիվանդության զոհերի թիվն աճել է մինչև 170-ի, իսկ վարակվել է 7711 մարդ: Ռուսաստանում ոչ մի դեպք պաշտոնապես չի գրանցվել:
Միշուստինը նաև փոխվարչապետ Տատյանա Գոլիկովային հանձնարարել է բնակչությանը ամեն օր տեղեկացնել ընթացիկ իրավիճակի և կանխարգելիչ միջոցառումների մասին: