Թուրքիայի խորհրդարանի նիստին ներկայացել է միայն մեկ պատգամավոր
Թուրքիայի խորհրդարանում հունվարի 21-ին ծրագրված նիստին ներկա է գտնվել միայն մեկ պատգավոր: Այս մասին տեղեկացնում է haberler.com կայքը:
Նիստերի դատարկ դահլիճում ներկա միակ պատգամավորը եղել է Թուրքիայի աշխատավորական կուսակցության նախագահ Էրքան Բաշը, որն առաջադրվել և ընտրվել է Ստամբուլի ընտրատարածքից:
Թուրքիայի խորհրդարանի փոխնախագահ Լևենթ Գյոքը քվորումի բացակայության պատճառով ընդհատել է նիստը և տեղափոխել է հաջորդ օր` քվորում ապահովելու հույսով:
Նշենք, որ Թուրքիայի միապալատ խորհրդարանը բաղկացած է 600 պատգամավորից:
