Մեդվեդևը պլանավորե՞լ էր քաղաքական համակարգի բարեփոխում
2019-ի վերջին Դմիտրի Մեդվեդևը պլանավորում էր իրականացնել Ռուսաստանի քաղաքական համակարգի բարեփոխում: «ՌԻԱ Նովոստիի» տեղեկացմամբ, այս մասին հայտնի է դարձել «Կոմերսանտ» թերթին:
Չորեքշաբթի օրը վարչապետ Դմիտրի Մեդվեդևը նախագահ Վլադիմիր Պուտինին հայտարարեց, որ ամբողջ կառավարությունը հրաժարական է տալիս: Պետության ղեկավարը Մեդվեդևին առաջարկել է Անվտանգության խորհրդի նախագահի տեղակալի պաշտոնը, որտեղ նա կզբաղվի պաշտպանության և անվտանգության հարցերով:
ԶԼՄ-ների տեղեկություններով, Մեդվեդևը կողմնակից էր նախագահական և գործադիր իշխանությունների միաձուլման: Հստակեցվում է, որ այս սխեմայով նախագահը լինելու է գործադիր իշխանության ղեկավար: Այդպիսի գործունեություն իրականացվում է Միացյալ Նահանգներում։
Թերթը գրում է, որ Պուտինն առաջարկել է փաստացի փոխել Ռուսաստանում գործադիր իշխանության ձևավորման հիմնական կառուցվածքը և երկիրը, այսպես կոչված, սուպերնախագահականից դարձնել կիսանախագահական հանրապետություն:
Հրապարակմանը հայտնի չէ, թե արդյոք այդ դիրքորոշումը համաձայնեցվել է վարչապետ Մեդվեդևի հետ, բայց նա դժվար թե համաձայներ:
Նոր վարչապետի թեկնածուն
Պուտինը վարչապետի պաշտոնում Պետդումային է ներկայացրել Դաշնային հարկային ծառայության պետ Միխայիլ Միշուստինի թեկնածությունը: Նրա թեկնածությունը կքննարկվի հինգշաբթի օրը լիագումար նիստում, պետդումայի խորհրդի նիստից հետո, նշվել է խորհրդարանի ստորին պալատի մամուլի ծառայության հաղորդագրության մեջ։
«Միասնական Ռուսաստան» խմբակցության ղեկավար Սերգեյ Նևերովը հայտարարել է, որ «Միասնական Ռուսաստանը» հինգշաբթի առավոտյան կանցկացնի խմբակցության նիստ՝ վարչապետի թեկնածության վերաբերյալ: Նա նշել է, որ «անհրաժեշտ է արագորեն հաստատել կառավարությունը, որը պետք է ձևավորի նախարարների կաբինետը»: