Էրդողանի գլխավոր խորհրդականը հրաժարական է տվել
Թուրքիայի նախագահ Ռեջեփ Թայիփ Էրդողանի գլխավոր խորհրդական, Անվտանգության և արտաքին քաղաքականության հանձնաժողովի անդամ Ադնան Թանրըվերդին հրաժարական է ներկայացրել: Այս մասին տեղեկացնում է NTV թուրքական հեռուստաալիքի կայքը:
Գեներալ Ադնան Թանրըվերդին Էրդողանի գլխավոր խորհրդականի պաշտոնը զբաղեցնում էր 2016 թվականից: Թանրըվերդին նաև Անվտանգության և արտաքին քաղաքականության հանձնաժողովի անդամ էր, որը ստեղծվել էր Թուրքիայում կառավարման նախագահական համակարգին անցնելուց հետո:
Խորհրդականի հրաժարականը ներկայացվել է նախագահ Էրդողանի հաստատմանը, որն ընդունել է այն:
Թանրըվերդին նաև հանդիսանում է թուրքական Պաշտպանության միջազգային խորհրդատվական ընկերության (SADAT) հիմնադիրը:
