Իշխանաձորում մեկնարկել է ծխախոտագործության համալիր ծրագիրը
«Վարդանյան ընտանիք» բարեգործական հիմնադրամի նախաձեռնությամբ Քաշաթաղի շրջանի Իշխանաձոր համայնքում մեկնարկել է ծխախոտագործության համալիր ծրագիրը:
Այս մասին «Արցախպրես»–ի թղթակցի հետ զրույցում ասել է Իշխանաձոր համայնքի ղեկավար Արսեն Թեյլունցը՝ նշելով, որ ներկայումս 1 հեկտարի վրա կառուցվում է ծխախոտի չորանոցը:
Նրա խոսքով՝ ընթացիկ տարում նախատեսված է մշակել շուրջ 35 հա ծխախոտի ցանքատարածություն: Համայնքի հողը պարարտ է, առկա է ոռոգման ջուրը, և տարածքը բավարարում է ծխախոտագործության պայմաններին:
«Մեր ենթաշրջանի համար այս տարի կապահովենք շուրջ 100 նոր աշխատատեղ, իսկ առաջիկա տարիներին, կարծում ենք, որ այն կավելանա»,- ասել է համայնքի ղեկավարը։
