Ղրիմում ձերբակալել են ահաբեկչական խմբավորման անդամների
Մարտի 27–ին Ռուսաստանի Դաշնային անվտանգության ծառայությունը Ղրիմում ձերբակալել է 20 մարդու, որոնք «Հիզբ ութ-Թահրիր ալ-Իսլամի» («Իսլամական ազատագրման կուսակցություն») կազմակերպության անդամներ են։ «Razm.info»-ի տեղեկացմամբ, այս մասին հայտնել է Դաշնային անվտանգության ծառայության կայքը։
Ռուսաստանում նշված կազմակերպությունը համարվում է ահաբեկչական, և նրանց գործունեությունը արգելված է երկրի տարածքում։
Դաշնային անվտանգության ծառայության տեղեկացմամբ, կազմակերպության անդամները փորձել են սեփական շարքերը հավաքագրել Ղրիմում ապրող մուսուլմաններին և հակասահմանադրական գործունեություն են ծավալել։ Ձերբակալության ժամանակ անվտանգության աշխատակիցները խմբավորման մոտ հայտնաբերել են իսլամի արգելված քարոզչական գրականություն, կապի միջոցներ և տեղեկատվության էլեկտրոնային կրիչներ։
ՌԴ ՊՆ հեռուստաալիքը, հղում անելով դատարանին, հայտնել է, որ 20 անդամներից 9–ը մինչև մայիսի 15–ը կալանավորված կմնան։ Նրանց ՔՕ 205.5 հոդվածի 2-րդ կետով (Ռուսաստանում արգելված ահաբեկչական խմբավորումներին անդամակցություն) սպառնում է 10-20 տարի ազատազրկում։
Նշենք, որ «Հիզբ ութ–Թախրիր ալ–իսլամի» կազմակերպությունը Ռուսաստանում արգելված է 2003 թվականից։ ԱՄՆ-ում կազմակերպությունը որակվում է որպես «ծայրահեղական գաղափարախոսության տարածող»։
Կազմակերպությունը, բացի արաբական և աֆրիկյան երկրներից, գործում է նաև որոշ ԱՊՀ երկրների տարածքում, այդ թվում նաև՝ Ադրբեջանում։