ԵԽԽՎ նախագահը ծաղիկներ է խոնարհել Հայոց ցեղասպանության նահատակների հիշատակին
ԵԽԽՎ նախագահ Լիլիան Մորի Պասքիեն ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանի ուղեկցությամբ մարտի 27-ին այցելել է Ծիծեռնակաբերդի հուշահամալիր: Այս մասին տեղեկացրել է ԱԺ լրատվական ծառայությունը։
Բարձրաստիճան հյուրը ծաղիկներ է խոնարհել անմար կրակի մոտ, հարգել Հայոց ցեղասպանության Սուրբ նահատակների հիշատակը:
Լիլիան Մորի Պասքիեն եղել է նաև Հայոց ցեղասպանության թանգարան-ինստիտուտում, ծանոթացել ցուցանմուշներին, գրառում կատարել հուշամատյանում:
ԵԽԽՎ նախագահը նշել է, որ այսօր էլ դեռ իրականացվում են ցեղասպանություններ, և պետք է պայքարել ատելության, այլատյացության և խտրականության դեմ: «Դրանք հանգեցնում են հանցագործությունների,- ասել է Լիլիան Մորի Պասքիեն,- և դեմ են մարդու իրավունքներին, արժանապատվությանը»: