Շրջակա միջավայրին հասցվել է 29 844 890 դրամի վնաս
Բնապահպանության և ընդերքի տեսչական մարմնի կողմից իրականացված ստուգումների, շրջայցերի, վարչական վարույթի գործերի քննության ընթացքում հայտնաբերված խախտումներով արձանագրված թվով 25 իրավախախտման դեպքով հաշվարկվել է 29 844 890 դրամի շրջակա միջավայրին հասցված վնաս, իսկ 6-ի վերաբերյալ նշանակվել է 600 000 դրամի վարչական տուգանք։
Մասնավորապես․
Բուսական աշխարհի պահպանության ոլորտ
Արձանագրվել է իրավախախտման 22 դեպք, հաշվարկվել է 29 844 890 դրամի շրջակա միջավայրին հասցված վնաս, ինչպես նաև նշանակվել է 300 000 դրամի վարչական տուգանք, որից՝
Լոռի՝ ապօրինի ծառահատման 3 դեպքով (1 հողմատապալ կաղնի, 1 հողմատապալ բոխի, 1 բոխի, 1 հողմատապալ ուռենի, 1 հողմատապալ հաճարենի) հաշվարկվել է 221 300 դրամի, փայտանյութի ապօրինի տեղափոխման 4 դեպքով (3,2 խմ թափուկ վառելափայտ, 6,21 խմ վառելափայտ, 5,6 խմ կողահատ տախտակ) հաշվարկվել է 1 076 400 դրամի շրջակա միջավայրին հասցված վնաս։
Նախկինում հայտնաբերված՝ փայտանյութի ապօրինի տեղափոխման 3 դեպքով (7.5 խմ թափուկ վառելափայտ) նշանակվել է 300 000 դրամի վարչական տուգանք։
Տավուշ՝ ապօրինի ծառահատման 5 դեպքով (25 բոխի, 3 թխկի, 74 կաղնի, 4 հացենի, 33 հաճարենի, 12 ղաժի, 1 թեղի, 1 լորենի, 1 ակացիա) հաշվարկվել է 27 247 750 դրամի, փայտանյութի ապօրինի տեղափոխման 6 դեպքով (15 խմ վառելափայտ, 1,2 խմ թափուկ վառելափայտ, 8,6 խմ կողահատ տախտակ) 1 261 940 դրամի շրջակա միջավայրին հասցված վնաս։
Գեղարքունիք՝ ապօրինի ծառահատման 1 դեպքով (1 բարդի) հաշվարկվել է 37 500 դրամի շրջակա միջավայրին հասցված վնաս։
Մթնոլորտային օդի և ջրերի պահպանության, թափոնների տեղաբաշխման, հողերի օգտագործման և պահպանման ոլորտ
Արձանագրվել է իրավախախտման 1 դեպք։
Լոռի՝ հայտնաբերված իրավախախտման 1 դեպքով (խախտվել է ՀՀ ջրային օրենսգրքի 27-րդ հոդվածը) «Ախթալայի ԼՀԿ» ՓԲԸ-ի հարստացուցիչ ֆաբրիկայի պետի ժամանակավոր պաշտոնակատարի նկատմամբ նշանակվել է 200 000 ՀՀ դրամի վարչական տուգանք։
Բնապահպանական և բնօգտագործման վճարների եռամսյակային հաշվետվությունները սահմանված ժամկետում չներկայացնելու համար
Արձանագրվել է իրավախախտման 2 դեպք։
Արագածոտն՝ 2 տնտեսավարողի նկատմամբ նշանակվել է 100 000 ՀՀ դրամի վարչական տուգանք:
Նշված ժամանակահատվածում պետական բյուջե մուտքագրվել է 2 075 790 դրամ:
Բնապահպանության և ընդերքի տեսչական մարմին-ի ֆեյսբուքյան էջից
Բնապահպանության և ընդերքի տեսչական մարմնի կողմից 2019 թվականի փետրվարի 25-ից մարտի 1-ն ընկած ժամանակահատվածում կատարված…
Опубликовано Բնապահպանության և ընդերքի տեսչական մարմին Вторник, 12 марта 2019 г.