Քսանյոթ տարին լրացած և զինծառայությունից խուսափած անձինք կշարունակեն վճարել գումարը և վերադառնալ Հայաստան
Զինծառայություն չանցած և մինչև 2019-ի մարտի 1-ը 27 տարին լրացած անձինք կարող են սահմանված կարգով վճարում կատարել և, քրեական հետապնդումից ազատվելով, վերադառնալ Հայաստան:
ՀՀ ազգային ժողովը մարտի 6-ի նիստում երկրորդ ընթերցմամբ և ամբողջությամբ ընդունեց «Լուսավոր Հայաստան» խմբակցության «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքում փոփոխություններ կատարելու մասին նախագիծը, որով առաջարկվում էր երկարաձգել օրենքի ժամկետը:
Նախագծի քվեարկությունն անցավ միաձայն՝ կողմ քվեարկեցին դահլիճում ներկա բոլոր 122 պատգամավորները:
Նախքան նախագծի ընդունումը, օրենքով սահմանված կարգով վճարում կարող էին կատարել և Հայաստան վերադառնալ մինչ 2017-ի դեկտեմբերի 1-ը 27 տարին լրացած և զինծառայություն չանցած անձինք:
