«Վստահ եմ, որ Նիկոլի դուխը չի հերիքի դա անել»․Մենուա Հարությունյան (տեսանյութ)

Այսօր լրագրողների հետ զրույցում Մենուա Հարությունյանը պատասխանելով լրագրողների հարցերին՝ հասարակական գործիչ Նարեկ Մալյանի հետ կապված միջադեպի վերաբերյալ, ասաց, որ այս ամենի հիմքը դրել է իշխանությունը՝ հասարակությանը «սևերի և սպիտակների» բաժանելով։

«Նարեկի հետ կապված միջադեպն ապացույցն է այն բանի, որ իշխանության յուրայիններին ամեն բան կարելի է, իսկ ոչ յուրայիններին՝ ոչ»,- ասաց Հարությունյանը և հավելեց, որ նման բանը մեր երկրում թույլատրելի չպետք է լինի։

Հասարակական գործչի խոսքով՝ օտար երկրներից դրամաշնորհ ստացող մարդիկ մեր պետությունում որևէ պաշտոն զբաղեցնելու իրավունք չպետք է ունենան, և վարչապետն այս առումով լուրջ անելիքներ ունի։

«Այս իշխանությունները թող հիշեն, որ իրենք էլ հավերժ չեն և հնարավոր է, որ մի օր էլ իրենք հայտնվեն այդ նույն աղբամանում կամ ավելի վատ տեղ»,- եզրափակեց Մենուա Հարությունյանը։

Մանրամասները՝ տեսանյութում