Ձնաթափը կաթվածահար է արել ռազմավիրական ճանապարհի երթևեկությունը
Միայն այս տարի ձնահոսքի սպառնալիքի պատճառով ռազմավիրական ճանապարհի երթևեկությունը ընդհատվել է մի քանի անգամ։
Ռուսաստանն Անդրկովկասի հանրապետությունների հետ կապող միակ մայրուղին՝ ռազմավիրական ճանապարհը, փակ է բոլոր տեսակի տրանսպորտային միջոցների համար։ Պատճառն անբարենպաստ եղանակն է։
Վրաստանում Խաչի լեռնանցքում չի դադարում ուժեղ ձնաթափը։ ԱԻՆ-ի աշխատակիցների տեղեկացմամբ, այդպիսի պայմաններում չեն կարող ապահովել անվտանգություն։
Վլադիկավկազ-Լարս տեղամասում ռուսական կողմից ճանապարհն անանցանելի է։ Ներկա պահին հայտնի չէ, թե երբ կհանվեն սահմանափակումները։