Երբ մառախուղը ցրվի ու մարդկանց մթագնած ուղեղները պարզվեն…

Երբ մառախուղը ցրվի ու մարդկանց մթագնած ուղեղները պարզվեն, այս ամենի մասին անպայման գիրք եմ գրելու: Պատմելու եմ, թե ինչերի միջով անցա ես ու անցկացրեցի իմ մտերիմ ընկերներին, թե ինչ հետապնդումների ենթարկվեցի, ինչպես էին վախից համր և անտարբեր ձևանում իմ գրական գործունեության հետ առնչվող մարդիկ, ինչպես էի դիմակազերծում իմ շրջապատը ու դիմակազերծման ցավին դիմանալու համար այդ գործընթացը անլրջացրել և խաղի էի վերածել: Կպատմեմ իմ իսկական հարազատների մասին, ովքեր կողքիցս մի քայլ անգամ չհեռացան, կպատմեմ իմ թիմի մասին անուն առ անուն: Թիմակիցներիցս ամեն մեկը իրենով մի գիրք է: Կպատմեմ, թե ոնց և ում հետ 2018թ․ ապրիլի 23-գիշերը օղակաձև այգու կոնկրետ որ հատվածում կայացրեցի իմ որոշումը՝ չհանձնվելու և ծունկի չգալու: Կպատմեմ, թե որերորդ անգամից դադարեցի զարմանալ մարդկային ստորության, մորթապաշտության վրա: Կպատմեմ այլ գրողների մասին, որոնց սորոսականները ճանաչում խոստանալով՝ սկսեցին պահպանակի պես օգտագործել սոցցանցերում…

Կպատմեմ ինձ անծանոթ մարդկանց մասին, ովքեր փողոցում գրկում են ինձ և իրենց ուժն են փոխանցում, կպատմեմ այն մարդկանց մասին ովքեր ինձ հորդորում են չհանձնվել, կպատմեմ այն միամիտների մասին ովքեր հույս ունեն որ ես կհոգնեմ, կձանձրանամ այս հոգնացնող պայքարից:

Կպատմեմ Սորոսի մասին, ով 52 միլիոն դոլար ծախսեց, Հայաստանում իշխանությունը վերցրեց ու հանդիպեց ինձ…

Ինձ հատուկ ցինիկ հումորով կպատմեմ, թե ինչ մեծ փորձանքից պրծավ մեր խեղճ ու կրակ պետականությունը:

Երբ մառախուղը ցրվի ու մարդկանց մթագնած ուղեղները պարզվեն…

Նարեկ Մալյանի ֆեյսբուքյան էջից

Երբ մառախուղը ցրվի ու մարդկանց մթագնած ուղեղները պարզվեն, այս ամենի մասին անպայման գիրք եմ գրելու: Պատմելու եմ թե ինչերի…

Опубликовано Narek Malian Пятница, 22 ноября 2019 г.