Էրդողանը Ստամբուլում ընդունել է ՄԱԿ-ի գլխավոր քարտուղար Անտոնիո Գուտերեշին
Թուրքիայի նախագահ Թայիփ Էրդողանը նոյեմբերի 1-ին Ստամբուլում ընդունել է ՄԱԿ-ի գլխավոր քարտուղար Անտոնիո Գուտերեշին: Այդ մասին հայտնել է Թուրքիայի ղեկավարի վարչակազմը։
Հանդիպումը սկսվել է տեղական ժամանակով 10:45-ին և տևել էառնվազն մեկ ժամ: Այն տեղի է ունեցել Վախթեդին պալատում՝ մամուլի համար փակ ռեժիմով:
Բանակցություններին մասնակցել են Թուրքիայի արտաքին գործերի նախարար Մևլյութ Չավուշօղլուն, Թուրքիայի նախագահի վարչակազմի հասարակայնության հետ կապերի վարչության ղեկավար Ֆահրեթին Ալթունը, Թուրքիայի նախագահի պաշտոնական ներկայացուցիչ Իբրահիմ Քալընը և Թուրքիայի խորհրդարանի արտաքին կապերի կոմիտեի ղեկավար Վոլքան Բոզքըրը: Վերջինիս Անկարան առաջարկում է նշանակել ՄԱԿ-ի Գլխավոր ասամբլեայի հաջորդ՝ 75-րդ նախագահի պաշտոնում:
