Բակո Սահակյանը Քաշաթաղի շրջանի Մոշաթաղ գյուղում մասնակցել է կապիտալ վերանորոգված դպրոցի բացմանը

Արցախի Հանրապետության նախագահ Բակո Սահակյանը սեպտեմբերի 16-ին այցելել է Քաշաթաղի շրջանի Մոշաթաղ գյուղ և մասնակցել այնտեղ կապիտալ վերանորոգված դպրոցի բացման հանդիսավոր արարողությանը: Այս մասին հայտնել են Արցախի նախագահի աշխատակազմի տեղեկատվության և հասարակայնության հետ կապերի վարչությունից:

Նախագահն ընդգծել է, որ գյուղական բնակավայրերի դպրոցական ցանցի արդիականացումն ու ընդլայնումը պետության կարևոր առաջադրանքներից է և այսուհետ էլ կլինի իշխանությունների ուշադրության կենտրոնում:

Միջոցառմանը մասնակցում էին պետական նախարար Գրիգորի Մարտիրոսյանը, պաշտոնատար այլ անձինք: