«Լուսավոր Հայաստան» խմբակցությունն ակնկալում է, որ Արման Բաբաջանյանը կվերադարձնի կուսակցության ցուցակով ստացած մանդատը
ՀՀ ԱԺ «Լուսավոր Հայաստան» խմբակցությունը հայտարարություն է տարածել Արման Բաբաջանյանի՝ խմբակցությունից դուրս գալու առնչությամբ։
ԼՀԿ-ի գրառումը ներկայացնում ենք ստորև․
«Լուսավոր Հայաստան» խմբակցությունը հարգում է պարոն Արման Բաբաջանյանի սկզբունքային դիրքորոշումը և ակնկալում է նրանից նույն սկզբունքայնությամբ վերադարձնել «Լուսավոր Հայաստան» կուսակցության համամասնական ցուցակով ստացած մանդատը։
Շնորհակալություն ենք հայտնում պարոն Բաբաջանյանին «Լուսավոր Հայաստան» խմբակցությունում կատարած աշխատանքի համար և մաղթում հաջողություններ իր հետագա գործունեությունում»։
Հիշեցնենք, որ ավելի վաղ Արման Բաբաջանյանը հայտարարել էր ԱԺ «Լուսավոր Հայաստան» խմբակցությունը լքելու մասին։