Հակահեղափոխության առաջնորդը Նիկոլ Փաշինյանն է-II (Ամուլսարի լույսի ներքո)
Վերոբերյալ վերնագրով գրառում էի արել անցած տարվա նոյեմբերի 11-ին։ Դիմատետրի օգտատեր-ընկերներիցս ոմանք վրդովվեցին ու չհամաձայնեցին ինձ հետ։ Կարծում եմ, Ամուլսարի հարցում Փաշինյանի բռնած հակահայաստանյան, հակապետական և հակաժողովրդական դիրքորոշումը շատերին կստիպի հանել վարդագույն ակնոցները և բաց աչքերով նայել իրականությանը։ Հասարակության մի մասի հիպնոսից հնարավորինս շուտ դուրս գալու գործընթացին փոքր-ինչ նպաստելու նպատակով ստորև պատճենում եմ նշված գրառմանս եզրակացությունները.
«1. Փաշինյանը չի տիրապետում Հայաստանի սոցիալ-քաղաքական իրականությանն ու իրավիճակին։ Նրա ներկայացրած թվերը, «փաստերն» ու փաստարկները սուտ են ու կեղծ։
- Հեղափոխության օրերին հայ ժողովրդին նրա սիրո ու հարգանքի բազմակի խոստովանությունները սուտ էին ու կեղծ։
- Փաշինյանը հարազատ զավակն է հայ քաղաքական ապազգային ու հակաժողովրդական այն վերնախավի, որը հետխորհրդային շրջանում ձևավորել ու իշխանության են բերել օտար ուժերը, բայց ո՛չ հայ ժողովուրդը։
- Հայ ժողովրդի մասին Փաշինյանի պատմական ու քաղաքական անճարակ պատկերացումները նույնանում են ՀՀ նախորդ առաջին դեմքերի դավանած սնանկ գաղափարախոսությանը։ Նա Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, Հրանտ Բագրատյանի, Տիգրան Սարգսյանի, Գալուստ Սահակյանի հավատարիմ աշակերտն է ու գաղափարական հետնորդը։
- Նիկոլ Փաշինյանն ու նրա թիմը նախկինների երիտթևերից մեկն են։
- Հայոց ապրիլյան հեղափոխությունը նենգափոխված է, ջախջախված ու տապալված։
- Հակահեղափոխության առաջնորդը Նիկոլ Փաշինյանն է»։
Պատմաբան, քաղաքագետ Արմեն Այվազյանի ֆեյսբուքյան էջից
ՀԱԿԱՀԵՂԱՓՈԽՈՒԹՅԱՆ ԱՌԱՋՆՈՐԴԸ ՆԻԿՈԼ ՓԱՇԻՆՅԱՆՆ Է — II (Ամուլսարի լույսի ներքո)Վերոբերյալ վերնագրով գրառում էի արել …
Опубликовано Армен Айвазян Вторник, 20 августа 2019 г.
