Հայկ Մարությանն ընդունել է սփյուռքահայ ներդրողների
Երևանի քաղաքապետ Հայկ Մարությանն ընդունել է շվեյցարահայ գործարար Վարդան Սրմաքեշին և սփյուռքից ժամանած մի շարք այլ ներդրողների: Երևանի քաղաքապետարանի մամուլի ծառայության տեղեկացմամբ, հանդիպմանը մասնակցել են նաև քաղաքի գլխավոր ճարտարապետ Արթուր Մեսչյանը և քաղաքապետի տեղակալ Տիգրան Վիրաբյանը:
Զրուցակիցները քննարկել են մայրաքաղաքում առկա ծրագրերի ընթացքը և նոր ներդրումային ծրագրերի հեռանկարները: Արծարծվել են նաև Երևանի քաղաքաշինական խնդիրներն ու զարգացման նախընտրելի ուղղությունները:
