ՌԴ-ում ջրհեղեղի հետևանքով կորել են ՀՀ քաղաքացիներ

Հուլիսի 27-ին, ժամը 14:24-ին «911» ծառայությանը քաղաքացուց տեղեկություն է հաղորդվել, որ Ռուսաստանի Դաշնության Ամուրի շրջանում տեղի ունեցած ջրհեղեղի հետևանքով վերջինիս բարեկամը անհետ կորել է:

ՀՀ ԱԻՆ լրատվական ծառայության տեղեկացմամբ, կապ է հաստատվել ՌԴ ԱԻՆ Ճգնաժամային կառավարման կենտրոնի հետ և պարզվել է, որ ս.թ. հուլիսի 22-ին Ամուրի մարզի Զեյսկի շրջանի Իլիկան գետը վարարել է, և 4 քաղաքացի (1 ՌԴ և 3 ՀՀ քաղաքացիներ) հայտնվել են գետում. 1 ՌԴ և 1 ՀՀ քաղաքացի դուրս են եկել գետից, իսկ մյուս 2-ը համարվում են անհետ կորած:

ՌԴ ԱԻՆ փրկարարներն իրականացնում են որոնողական աշխատանքներ վերջիններիս գտնելու ուղղությամբ:

Կտրվի լրացուցիչ տեղեկություն: