Ամուլսարի տարածքում տեղի ունեցող իրադարձությունները գտնվում են ՄԻՊ ուշադրության կենտրոնում
Ամուլսարի տարածքում այսօր տեղի ունեցող իրադարձությունները գտնվում են Մարդու իրավունքների պաշտպանի ուշադրության կենտրոնում։ Այս մասին տեղեկացրել է ՄԻՊ գրասենյակը։
«Վաղ առավոտից Պաշտպանի ներկայացուցիչները կապի մեջ են Ոստիկանության հետ։
Մարդու իրավունքների պաշտպանի իրավասության շրջանակում կձեռնարկվեն օրենքով նախատեսված բոլոր գործողությունները»,- գրված է հայտարարության մեջ։
Ավելի վաղ բնապահպան-ակտիվիստ Շահանե Խաչատրյանը ֆեյսբուքյան իր էջում պարբերաբար թարմացվող տեղեկություններ https://www.facebook.com/shahane.khachatryan/posts/2440443502682370 էր հաղորդել Ամուլսարի ծուրջ ծավալվող իրադարձությունների մասին, նշելով, որ ոստիկաններն փորձում են ձերբակալել տեղացիներին և Ամուլսարի պաշտպաններին։
ՀՀ քննչական կոմիտեի տեղեկացմամբ, ՀԿԳ քննության գլխավոր վարչությունում քննվող քրեական գործի շրջանակներում հուլիսի 13-ին քննիչը և փորձագետները շինարարատեխնիկական ապրանքագիտական, նյութագիտական և էկոլոգիական համալիր փորձաքննության իրականացման շրջանակներում կազմակերպել են այց Ամուլսարի հանք։ Սակայն քաղաքացիներն արգելել են խմբի մուտքը հանքի տարածք:
Փորձաքննության կատարումը հնարավոր դարձնելու համար նախաքննական մարմինը դիմել է ոստիկանությանը՝ ապահովել խմբի անարգել մուտքը հանքի տարածք։
Ամուլսարի տարածքում քննչական գործողությունների իրականացմանը խոչընդոտելու պատճառով քաղաքացիներ են բերման ենթարկվել: