Փորձարկվել է ռուսական ՀՀՊ համակարգի նոր հրթիռ (տեսանյութ)
ՌԴ պաշտպանության նախարարությունը տեսանյութ է հրապարակել Ղազախստանում Սարի Շագան մարզահրաձգարանում ՀՀՊ համակարգի նոր հրթիռի փորձարկման մասին։
Կադրերում երևում է, թե ինչպես է հրթիռն օդ բարձրանում՝ հետևից կրակի և ծխի սյուն թողնելով։
ՌԴ ՊՆ տեղեկացմամբ, միջոցառման ժամանակ Օդատիեզերական ուժերի հակաօդային և հակահրթիռային պաշտպանության զորքերի հրամանատարության ներկայացուցիչ Պավել Կուզմինը հայտարարել է․ «ՀՀՊ համակարգի նոր հակահրթիռը փորձարկումներից հետո հուսալիորեն հաստատեց իր բնութագրերը և հաջողությամբ լուծեց խնդիրը՝ ճշգրտությամբ հարվածելով պայմանական թիրախին»։
Հակահրթիռային պաշտպանության համակարգը ներառված է Օդատիեզերական ուժերի կազմում և նախատեսված է օդատիեզերական հարձակման միջոցների հարվածներից պաշտպանվելու համար։
