Հինգ ոսկի, երեք արծաթ, երեք բրոնզ. Հայաստանի մարզիկների «ավարը» Եվրոպական խաղերում
Մինսկում ավարտվել են երկրորդ Եվրոպական խաղերը, որին 15 մարզաձևերով մասնակցել են 43 երկրի 4000 մարզիկ: ՀՀ կրթության, գիտության, մշակույթի և սպորտի նախարարության լրատվական ծառայության տեղեկացմամբ, Եվրոպական խաղերում Հայաստանի Հանրապետությունը ներկայացրել են 37 մարզիկներ 9 մարզաձևերում: Մեր մարզիկները նվաճել են 11 մեդալ, այդ թվում` 5 ոսկե, 3 արծաթե և 3 բրոնզե:
Մասնավորապես ոսկե մեդալ են նվաճել`
Տիգրան Կիրակոսյանը (սամբո)
Արթուր Հովհաննիսյանը (բռնցքամարտ)
Հովհաննես Բաչկովը (բռնցքամարտ)
Արթուր Ալեքսանյանը (ըմբշամարտ)
Արթուր Դավթյանը (մարմնամարզություն)։
Արծաթե մեդալ`
Կարապետ Չալյանը (ըմբշամարտ)
Վահագն Դավթյանը (մարմնամարզություն)
Դավիթ Գրիգորյանը (սամբո)։
Բրոնզե մեդալ`
Արսեն Ղազարյանը (սամբո)
Գոռ Ներսեսյանը (բռնցքամարտ)
Կարեն Տոնականյանը (բռնցքամարտ):
Մեդալային հաշվարկում Հայաստանի հավաքականը զբաղեցրել է 11-րդ տեղը: Մինսկի «Դինամո» մարզադաշտում տեղի ունեցած փակման հանդիսավոր արարողության ժամանակ Հայաստանի պատվիրակության դրոշակակիրը բռնցքամարտիկ Հովհաննես Բաչկովն է եղել, որը դարձել է Եվրոպական խաղերի չեմպիոն 64 կգ քաշային կարգում:
Փակման արարողությանը ներկա էին Հայաստանի նախագահ Արմեն Սարգսյանը, ՌԴ նախագահ Վլադիմիր Պուտինը, Բելառուսի նախագահ Վլադիմիր Լուկաշենկոն: