Պուտինն ու Ալիևը երկկողմ համագործակցության հարցեր են քննարկել
Ռուսաստանի նախագահ Վլադիմիր Պուտինը Ադրբեջանի իր գործընկերոջ հետ հեռախոսազրույց է ունեցել: «ՌԻԱ Նովոստի»-ի տեղեկացմամբ, այս մասին հայտնել է Կրեմլի մամուլի ծառայությունը։ Զրույցի ընթացքում նախագահները քննարկել են երկրների միջև համագործակցության և երկկողմ շփումների հեռանկարները:
«Քննարկվել են ռուս-ադրբեջանական ակտիվ համագործակցության և տարբեր մակարդակներում սպասվող շփումների վերաբերյալ հարցեր»,- նշված է հաղորդագրության մեջ:
Զրույցը տեղի է ունեցել ադրբեջանական կողմի նախաձեռնությամբ: