Արցախի ԱԳՆ պատվիրակության այցը Արգենտինայում ՀՀ դեսպանատուն

Ապրիլի 29-ին Բուենոս Այրեսում գտնվող ԱԳՆ ղեկավար Մասիս Մայիլյանի գլխավորած Արցախի պատվիրակությունը հանդիպել է Արգենտինայի Հանրապետությունում ՀՀ արտակարգ և լիազոր դեսպան էսթերա Մկրտումյանի և դեսպանության անձնակազմի հետ: Այս մասին տեղեկացրել է Արցախի Հանրապետության ԱԳՆ լրատվության և հանրային դիվանագիտության վարչությունը։

Դեսպան Մկրտումյանը ներկայացրել է ՀՀ դիվանագիտական առաքելության հիմնական ուղղությունները: Կողմերը անդրադարձել են Արցախի պատվիրակության Ուրուգվայ կատարած այցին, ինչպես նաև Արգենտինայում շարունակվող հանդիպումների ընթացքին: