Աֆրիկյան միությունը կոչ է արել միջազգային գործողություններ ձեռնարկել Մալիի ճգնաժամի շուրջ
Աֆրիկյան միության հանձնաժողովի նախագահ Մահմուդ Ալի Յուսուֆը կոչ է արել միջազգային հանրությանը անհապաղ գործողություններ ձեռնարկել Մալիի ճգնաժամի շուրջ, որտեղ իրավիճակը զգալիորեն վատթարացել է անօրինական զինված խմբավորումների գործողությունների պատճառով:
Ինչպես հաղորդում է «Արմենպրես»-ը, վկայակոչելով «Ինտերֆաքս»-ը, այս մասին հայտնել է Աֆրիկյան միության մամուլի ծառայությունը:
«Նախագահը կոչ է արել ակտիվ, համակարգված, հետևողական և միջազգային պատասխան տալ Սահելում ահաբեկչությանն ու ծայրահեղականությանը »,-նշված է հաղորդագրության մեջ:
Ըստ աղբյուրի՝ նա նշել է, որ, մասնավորապես, անհրաժեշտ է տարածաշրջանում ուժեղացնել հետախուզական տվյալների փոխանակումը իրադրության շուրջ և օգնություն ցուցաբերել տեղի պետություններին, որոնք տուժել են անվտանգության ոլորտում իրադրության վատթարացումից:
