Իրանը դատապարտված է հաղթել ԱՄՆ-ին
Իրանի և ԱՄՆ-ի միջև բացվում է տեղեկատվական-քարոզչական պատերազմի նոր «ճակատ»: Դա պարզ դարձավ փետրվարի 25-ից հետո, երբ հանկարծ ԱՄՆ պետքարտուղար Մայքլ Փոմպեոն մեղադրեց Չինաստանին և որոշ պատճառաբանությամբ նաև Իրանին, իբր «ճշմարտությունը թաքցնելու» համար՝ նոր կորոնավիրուսի տարածման իրական մասշտաբի վերաբերյալ: Բայց գրեթե անմիջապես «մոռանալով» Չինաստանի մասին, Փոմպեոն հետագայում խոսեց միայն Իրանի վերաբերյալ: Փոմպեոն, իբր, անհանգստացած է այն բանի համար, որ նա անվանում է Իրանի «փակվածություն»` կապված կորոնավիրուսի բռնկման հետ:
Հետաքրքիր է, ո՞րն է Իրանի «փակվածությունը» համաճարակի բռնկման իրավիճակի մասին աշխարհին զեկուցելու տեսանկյունից, անգամ եթե Իրանի առողջապահության նախարարի տեղակալ Էրաջ Հարիրչին հրապարակային խոստովանեց, որ նա վարակվել է կորոնավիրուսով: Հասկանալի է, թե ինչ պատճառով. մինչ այդ նա այցելել էր կորոնավիրուսով հիվանդներին: Իրանի բարձրաստիճան պաշտոնյաներն առանձնապես չեն թաքցնում որևէ բան. երկրի նախագահ Հասան Ռոհանին վերջերս հայտարարեց, որ համաճարակի դեմ պայքարում ներգրավված են Զինված ուժի և Իսլամական հեղափոխության պահապանների կորպուսի (ԻՀՊԿ) բոլոր ռազմական բժիշկները, ինչպես նաև ԻՀՊԿ-ի հատուկ նշանակության ուժերը, որոնք մասնագիտացված են մանրէաբանական և կենսաբանական զենքերի դեմ պայքարում: Այնպես որ, ավելի լավ կլիներ՝ Մայքլ Փոմպեոն խոստովաներ աշխարհին, թե ինչպե՞ս է ամերիկացի միլիարդատեր Բիլ Գեյթսը հանկարծ «գտել» պատվաստանյութ այս կորոնավիրուսի դեմ: Ի՞նչ է, Գեյթսը ձեռքին վիրուսը վաղո՞ւց ուներ, որ այդքան արագ, նույնիսկ փետրվարը չավարտված՝ պատվաստանյութն արդեն «պատրաստ է»:
Իրանի բարձրագույն ղեկավարությունը հանձնարարել է Գերագույն ազգային անվտանգության խորհրդի (ԳԱԱԽ) քարտուղար, ծովակալ Ալի Շամհանիին պատասխանել ԱՄՆ պետքարտուղարին: Նա ասաց, որ ԱՄՆ-ը նախատեսում է օգտագործել կորոնավիրուսային բռնկումներն Իրանում, որպես արդարացում Իրանի վրա ճնշումներն առավելագույնի հասցնելու իր ռազմավարության, բայց Իրանին կհաջողվի վերահսկել վիրուսը: Շամհանիի խոսքով, կորոնավիրուսը մատնանշելով ՝ Վաշինգտոնը հոգեբանական ճնշում է գործադրում հարևան պետությունների վրա՝ Իրանի հետ սահմանները փակելու համար, գրում է Tehran Times-ը: «Նախատեսվում է, որ Իրանի նկատմամբ առավելագույն ճնշման ռազմավարությունը կլրացվի «կորոնավիրուս» տերմինով, որպեսզի հոգեբանական ճնշում գործադրվի այդ երկրների վրա՝ և նրանք կփակեն իրենց ցամաքային և օդային երթուղիները և կտարածեն ստերը… սա նոր ճանապարհային քարտեզ է»,- ասաց Շամհանին: Այնուհետև նա հիշեցրել է, որ ԱՄՆ-ը դեռևս չի հրապարակել ճշգրիտ տեղեկատվություն ԱՄՆ զինված ուժերի շրջանում կորուստների մասին՝ Իրաքում Աին ալ-Ասադ ավիաբազայի վրա իրանական հրթիռային հարձակման պատճառով: «Փոմպեոն կեղծավոր է՝ մեղադրելով Իրանին «փակ» լինելու մեջ, չնայած այն բանին, որ Սպիտակ տան պաշտոնյաները դեռևս չեն հրապարակել ճշգրիտ տեղեկատվություն ամերիկյան զոհերի մասին Աին ալ-Ասադ բազայում և ԱՄՆ օդուժի ինքնաթիռի մասին, որը կործանվեց անցած ամիս Աֆղանստանում»,- ասաց Շամհանին: Ի դեպ, մենք հաղորդել էինք Աֆղանստանում խոցված ամերիկյան ռազմական տրանսպորտային ինքնաթիռի մասին, որում ԱՄՆ ԿՀՎ բարձրաստիճան գեներալներ մահացան կամ «անհետացան», այդ թվում՝ «Այաթոլահ Մայք»-գեներալ Մայքլ Դ’Ադրրեա, ինչպես նաև ԿՀՎ ևս չորս բարձրաստիճան սպաներ…
Զարմանալի չէ, որ Փոմպեոն Իրանի դեմ իր «նոր ճանապարհային քարտեզով» դուրս եկավ գրեթե Իրանի խորհրդարանական և Փորձագետների ասամբլեայի ընտրությունների ավարտից անմիջապես հետո: Վերջնական արդյունքների ամփոփումը դեռ վաղ է. առնվազն 11 ընտրատարածքներում անցկացվելու է քվեարկության երկրորդ փուլ, քանի որ այդ ընտրատարածքներում թեկնածուներից ոչ մեկը չի հավաքել անհրաժեշտ քանակության ձայներ: Բայց դա արդեն պարզ է. գոնե Թեհրանի և Մարկազի մարզի ընտրությունների արդյունքների հիման վրա, Թեհրանի ընտրատարածքում Իսլամական հեղափոխական ուժերի միության խորհրդի ներկայացրած թեկնածուների ցուցակը հաղթել է մայրաքաղաքի ընտրություններում, հայտնում է Tasnim News-ը: Թեհրանի նախկին քաղաքապետ, կայուն և հետևողական ավանդապաշտ պահպանողական, Մոհամադ Բակերի Քալիբաֆը, որը հանդես էր եկել 2017-ի նախագահական ընտրություններին, ցուցակի առաջին տեղում է՝ 1,265,287 ձայնով: 2017-ին Իրանի նախագահության համար հայտ ներկայացրած վեց թեկնածուներից մեկը՝ Մուստաֆա Ագա-Միրսալիմը ցուցակի երկրորդ տեղում է՝ 892,318 ձայն: Միացյալ Նահանգները գիտակցեց, որ իր ցանկությունը՝ Իրանի վրա ճնշում գործադրելով, Թեհրանում իշխանափոխություն իրականացնել կամ գոնե Իսլամական հեղափոխության կողմնակիցների դիրքերը թուլացնել, ամբողջովին ձախողվեց: Եվ Փոմպեոյի զայրույթն ու դժգոհությունը հասկանալի են:
Այնուամենայնիվ, իրանական ընտրություններում գլխավորը ժողովրդավարության հաղթանակն է: Իրանական դատական համակարգի ղեկավարը՝ Խոջաթ օլ-Էսլամ Սեյեդ Էբրահիմ Ռաիսին, փետրվարի 24-ին Թեհրանում գերագույն դատական խորհրդի նիստի ժամանակ ասել է. «Ընտրությունների հաղթող դարձավ Իրանի մեծ ժողովուրդը, ոչ թե առանձին խմբակցություն կամ կուսակցություն, և այժմ հերթը ընտրվածներինն է՝ միջոցներ ձեռնարկել ժողովրդի խնդիրները լուծելու համար»: Բայց ամերիկացիներին դա դուր չի գալիս, երբ ժողովրդավարությունը գերակայում է տվյալ երկրում, և նրանց, ում հետ ԱՄՆ-ը որոշակի հույսեր է կապում, ձախողվում են: Շնորհավոր հաղթանակդ՝ Իրան: Եվ ԱՄՆ-ի հետ դիմակայության այս փուլը հաղթած է:
Սերգեյ Շաքարյանց
