Ժնևում հանդիպել են Հայաստանի և Ռուսաստանի արտաքին գերատեսչությունների ղեկավարները
Այսօր Ժնևում տեղի է ունեցել հանդիպում Ռուսաստանի արտգործնախարար Սերգեյ Լավրովի և Զոհրաբ Մնացականյանի միջև։ Այս մասին տեղեկացրել է ՏԱՍՍ-ը:
Զոհրաբ Մնացականյանը շնորհակալություն է հայտնել հանդիպման ժամանակ «հիմնական հարցեր» քննարկելու հնարավորության համար:
Նախարարների նախորդ բանակցությունը տեղի էր ունեցել նոյեմբերին՝ Լավրովի երևանյան այցի շրջանակում:
Նշենք, որ ՀՀ ԱԳ նախարարը փետրվարի 24-ին մեկնել է Ժնև՝ մասնակցելու Մարդու իրավունքների խորհրդի 43-րդ նստաշրջանի հանդիպմանը։