Տեղի է ունեցել նորակոչիկների երդման արարողություն
1-ին զորամիավորման հրետանային զորամասերից մեկում տեղի է ունեցել զինված ուժերի շարքերը համալրած նորակոչիկների երդման հանդիսավոր արարողություն, որին մասնակցել են զորամիավորման հրամանատար, գնդապետ Ժ. Պողոսյանը, տեղական ինքնակառավարման մարմինների ներկայացուցիչներ, հոգևորականներ, նորակոչիկների հարազատներ, հյուրեր:
ՊՆ մամուլի ծառայության տեղեկացմամբ, զորամասի հրամանատարը պատվոգրեր է հանձնել երիտասարդ մարտիկի պատրաստության ծրագրի ուսուցման շրջանակներում բարձր առաջադիմություն ցուցաբերած նորակոչիկներին:
