Բրեդ Փիթ, «Պարազիտներ», Հոակին Ֆենիքս. հայտնի են «Օսկար 2020»-ի հաղթողները
Փետրվարի 10-ին Լոս Անջելեսում տեղի է ունեցել «Օսկարի» 92-րդ կինոմրցանակաբաշխությունը։ Երկրորդ տարին անընդմեջ արարողությունը տեղի է ունեցել առանց հաղորդավարի։
Ամերիկացի ռեփեր Էմինեմը ելույթը կինոմրցանակաբաշխությանը անակնկալ էր հյուրերի համար․ երգչի հայտնվելը մրցանակաբաշխությանը նախապես չէր հայտարարվել կազմակերպիչների կողմից։ Էմինեմը կատարել է իր լեգենդար օսկարակիր (2003) հիթը՝ Lose Yourself-ը («Ինքդ քեզ կորցնել»)։
Եվ այսպես, այս տարվա օսկարակիրները
«Լավագույն ֆիլմ» անվանակարգում՝ «Մակաբույծները» ֆիլմը,
«Լավագույն ռեժիսոր» անվանակարգում՝ Պոն Չժու Հոնը («Մակաբույծները»),
«Լավագույն դերասան» անվանակարգում՝ Հոակին Ֆենիքսը («Ջոկեր»),
«Լավագույն դերասանուհի» անվանակարգում հաղթող է ճանաչվել Ռենե Զելվեգերը («Ջուդի»),
«Երկրորդ պլանի լավագույն դերասան» անվանակարգում՝ Բրեդ Փիթը («Մի անգամ․․․ Հոլիվուդում»),
«Երկրորդ պլանի լավագույն դերասանուհի» անվանակարգում հաղթող է ճանաչվել Լորա Դերնը («Ամուսնական պատմություն»),
«Լավագույն անիմացիոն ֆիլմ» անվանակարգում՝ «Խաղալիքների պատմություն 4»-ը,
«Լավագույն օտարալեզու ֆիլմ» անվանակարգում «Օսկարի» է արժանացել հարավկորեական «Մակաբույծը» ֆիլմը,
«Լավագույն օպերատորական աշխատանք» անվանակարգում՝ Ռոջեր Դիքինսը (ֆիլմը՝ «1917»):
