Երկիր մոլորակին կմոտենա վտանգավոր աստերոիդ
163373 համարի, 440-990 մետր տրամագիծով աստերոիդը փետրվարին կմոտենա Երկիր մոլորակին։ Այս մասին, հղում անելով ՆԱՍԱ-ին, տեղեկացրել է «ՌԻԱ Նովոստին»։
Ամերիկյան գործակալության տվյալներով` աստերոիդը Երկիր մոլորակին ամենամոտ հեռավորության վրա կգտնվի փետրվարի 15-ին, որը 15 անգամ երկար է Երկիր Լուսին հեռավորությունից։
163373 աստերոիդը հայտնաբերվել է 1995 թվականի հոկտեմբերի 23-ին:
Այն պատկանում է «Ապոլոնների» խմբին, այսինքն՝ աստերոիդներ, որոնց թռիչքային ուղիները հատում են Երկրի ուղեծիրը, ուստի դրանք պոտենցիալ վտանգավոր են:
Ըստ հասանելի տվյալների՝ հաջորդ անգամ աստերոիդը Երկրին մոտենալու է 2075 թվականին: