Մենք ամփոփում ենք 2019-ին ծավալած գործունեությունը և սկսում նոր աշխատանքային տարին
Անցնող 2019 թվականը նշանակալից տարի էր «Իրավական կրթություն և վերահսկողություն» հասարակական կազմակերպություն համար, քանի որ փետրվարին հիմնադրվեց մեր կազմակերպությունը, և այն ակտիվ աշխատանքային ժամանակաշրջան էր մեր կազմակերպության համար։
- Գործունեության տասնմեկ ամսվա ընթացքում, ի թիվս մեր ամենօրյա աշխատանքի, մենք՝
– Հրապարկել ենք խոսքի ազատության հիմնախնդիրներին առնչվող հարցերին նվիրված լայնածավալ զեկույց, որը նվիրված էր մեր երկրում խոսքի ազատության խնդիրներին, ատելության խոսքի դեմ պայքարին։
– Հրապարակել ենք նաև իրավական վերլուծություններ նվիրված ապօրինի ծագում ունեցող գույքի բռնագանձման, անցումային արդարադատության, վեթինիգի, Սահմանադրական դատարանի դատավորների, այսպես կոչված, «վաղ կենսաթոշակի» նախագծի վերաբերյալ։
- Մեզ համար տարին հագեցած էր նաև մեր ակտիվ և փայլուն երիտասարդների ու ուսանողների հետ համագործակցության ծրագրերով, ինչը համարում ենք մեր ամենակարևոր ձեռքբերումներից մեկը և ինչի արդյունքում մեր կազմակերպությունը՝
– Օգոստոս-սեպտեմբեր ամիսներին անվճար իրավաբանական խորհրդատվություն մատուցեց ինչպես Երևանում, այնպես էլ Գյումրիում։
– Մենք կարողացանք նաև մեր աջակցությունը ցուցաբերել եվրոպական ամենամեծ ուսանողական շարժման հայաստանյան ներկայացուցչության՝ «ELSA Armenia»-ի կողմից կազմակերպված դատախաղին։
- Մեր կազմակերպության հիմնադրման հենց սկզբից, մեր հիմնական առաքելություն է եղել կրթական ծրագրերի իրականացումը և կրթության միջոցով մի շարք խնդիրների հաղթահարումը։ Այս առաքելությանը հավատարիմ մնալով՝ մենք՝
– «Լույս» հիմնադրամի հետ համատեղ կազմակերպեցինք դասընթացներ նվիրված խոսքի ազատության, վարկային պարտավորությունների, աշխատանքային հարաբերությունների կարգավորման հիմնախնդիրներին։
– Արցախում հանդես եկանք դասախոսություններով՝ նվիրված կեղծ լուրերի դեմ պայքարին և Արցախի ընտրական օրենսդրության առանձնահատկություններին։
Լիահույս ենք, որ այս տարին «Իրավական կրթություն և վերահսկողություն» հասարակական կազմակերպության համար լինելու է ավելի շատ ծրագրերի և նախաձեռնությունների տարի: Շուտով ձեր դատին կներկայացնենք դրանք։
Արփինե Հովհաննիսյանի ֆեյսբուքյան էջից
Մենք ամփոփում ենք 2019-ին ծավալած գործունեությունը եւ սկսում նոր աշխատանքային տարինԱնցնող 2019 թվականը նշանակալից…
Опубликовано Arpine Hovhannisyan Пятница, 10 января 2020 г.