Հոգեհանգստյան արարողություն ապրիլյան քառօրյայում զոհված զինվորների հիշատակին
Սիրելի՛ բարեպաշտ ժողովուրդ,
Այսօր ոգեկոչում ենք երեք տարի առաջ մեր հայրենիքի Արցախ աշխարհի դեմ սանձազերծված պատերազմում հերոսացած հայորդիների հիշատակը։ Պանծացնում ենք մեր քաջարի ռազմիկների հայրենանվիրումն ու սխրանքները։ Նրանց անձնդիր արարքը ոգեշնչման աղբյուր է լինելու սերունդների համար։
Արցախը մեր միջնաբերդն է, որի անառիկությունը կանխորոշելու է մեր ապագան ու բարօր կյանքը։ Հայրապետական մեր պատգամն է, որ մեր ժողովուրդը թե՛ Հայրենիքում եւ թե՛ սփյուռքի համայնքներում լինի համերաշխ ու միասնական արդի աշխարհի մարտահրավերների դեմ։
Մեր աղոթքն ենք բարձրացնում առ Աստված, որպեսզի պատերազմները ողջ աշխարհում դադարեն լինել ազգերի եւ պետությունների միջեւ խնդիրները կարգավորելու ճանապարհ։
Մեր ժողովրդի սպասում է միջազգային հանրությունից, որ հարգվեն Արցախի մեր զավակների արդար իրավունքները և Արցախն ապրի ազատ ու անկախ, ապահով և առաջընթաց կյանքով։
Խունկ և օրհնություն մեր հերոս զավակների անմահ հիշատակին։
Մոսկվա, 2 ապրիլի, 2019թ.
Գարեգին Բ Կաթողիկոս Ամենայն Հայոց/ Karekin II, Catholicos of All Armenians-ի ֆեյսբուքյան էջից
Սիրելի՛ բարեպաշտ ժողովուրդ, Այսօր ոգեկոչում ենք երեք տարի առաջ մեր հայրենիքի Արցախ աշխարհի դեմ սանձազերծված…
Опубликовано Գարեգին Բ Կաթողիկոս Ամենայն Հայոց/ Karekin II, Catholicos of All Armenians Вторник, 2 апреля 2019 г.
