Գեներալ-լեյտենանտ Իգոր Կիրիլովի հետ քննարկվել են ռադիացիոն, քիմիական և կենսաբանական անվտանգության հարցեր
Մարտի 10-13-ը աշխատանքային այցով Երևան է ժամանել Ռուսաստանի Դաշնության զինված ուժերի ռադիացիոն, քիմիական և կենսաբանական պաշտպանության զորքերի պետ, գեներալ-լեյտենանտ Իգոր Կիրիլովի գլխավորած պատվիրակությունը` Հայաստանում երկկողմ քննարկումներին մասնակցելու նպատակով: ՊՆ լրատվական ծառայության տեղեկացմամբ, ՌԴ ԶՈՒ ՌՔԿՊ զորքերի պետին մարտի 11-ին ընդունել է ՀՀ ԶՈՒ գլխավոր շտաբի պետի առաջին տեղակալ, գեներալ-մայոր Օնիկ Գասպարյանը:
Հանդիպմանը քննարկվել են ռադիացիոն, քիմիական և կենսաբանական անվտանգության հարցեր, ինչպես նաև տվյալ ուղղությամբ հայ-ռուսական համագործակցության ներկա իրավիճակը և համատեղ գործունեության հեռանկարները:
