Դարձյալ զոհեր արյունոտ Քաշմիրում․ միջուկային տերությունների միջև պատերազմի վտանգ կա
Հնդկաստանի բանակի և զինված խմբավորումների բախման ժամանակ, որը տեղի է ունեցել Քաշմիրի՝ Հնդկաստանի վերահսկողության տակ գտնվող մասում, սպանվել է հինգ հնդիկ զինվոր, ինը վիրավորվել է։
Հնդկաստանի Ջամի ու Քաշմիրի ոստիկանությունը հայտարարել է, որ զինվորները սպանվել են Քուքվարար շրջանում, զինված ուժերի հետ բախման հետևանքով: Բախումների ընթացքում սպանվել են նաև զինված խմբավորման երկու անդամներ:
Ի դեպ, անցած շաբաթ նույնպես նման բախում էր տեղի ունեցել Քաշմիրում, որի ընթացքում զոհվել էր դարձյալ 5 հնդիկ զինվորական:
Պակիստանի և Հնդկաստանի շփման գծում իրավիճակը լարված է: Միջազգային կառույցները նախազգուշացնում են միջուկային այդ տերությունների միջև նոր պատերազմի հավանականության մասին:
