Ողբերգական ավարտով վրաերթ Երևանում
Փետրվարի 13-ին, ժամը 09:16-ին ԱԻՆ «911» ծառայությանն ահազանգ է ստացվել, որ Երևան քաղաքի Արին-Բերդի փողոցի թիվ 12 հասցեում տեղի է ունեցել ճանապարհատրանսպորտային պատահար, քաղաքացին վրաերթի է ենթարկվել. անհրաժեշտ է փրկարարների օգնությունը: ԱԻՆ-ի տեղեկացմամբ, դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «ԿամԱԶ» մակնիշի ավտոմեքենան (վարորդ՝ Գ. Ա., ծնված 1986թ.) վրաերթի է ենթարկել Է. Ս.-ին (ծնված 1952թ.):
Փրկարարները դին մոտեցրել են շտապօգնության ավտոմեքենային:
